Share/Save/Bookmark

کد مطلب :65121
تاریخ انتشار : سه شنبه 14 زمری 1399 ساعت : 18:13:47

د جنسي تېري پر وړاندې اعتراض؛ طالبانو پر معترضانو ډزې کړي

د تخار په خواجه‌غار ولسوالي کې امنیتي مسوولان د طالبانو له لوري د درې معترضانو د وژل کېدو خبر ورکوي.

دا پېښه پرون په یاده ولسوالي کې شوې ده.

د خواجه‌غار امنیه قوماندان محمداسحاق سلام‌وطندار ته ویلي، یاده پېښه هغه مهال شوې چې د دوبندې، چیچکې او مینګ‌چقور سیمو اوسېدونکو پر یوې ۱۴ کلنې نجلۍ د طالب جنګیالیو د نه محاکمه کولو په غبرګون کې لاریون وکړ.

د نوموړي په وینا، معترضانو له طالب ډلې غوښتي چې د جنسي تېري عاملان د خلکو په مخ کې را وځړوي، خو طالبانو پرې ډزې کړي چې له کبله یې ۳ معترضان وژل شوي او ۳ نور ټپیان دي.

په تخار کې ولسي سرچینو شاوخوا دوه اوونۍ وړاندې د دغه ولایت په خواجه‌غار ولسوالي کې پر یوې ۱۴ کلنې نجلۍ د طالب وسله‌والو له لوري د جنسي تېري خبر ورکړ.

هغوی ویلي چې څلور طالب جنګیالیو د شپې خدای‌نور ملنګ په نوم د یوه کس دوبنۍ کيږدۍ ته ورغلي او پر لور یې جنسي تېری کړی دی.

د خواجه‌غار قوماندان زیاتوي، طالبانو د یادو سیمو په کوڅو کې خپل وسله‌وال درولي، څو په لاریون کې د خلکو د ګډون مخه ونیسي.

په خواجه‌غار ولسوالي کې یوې حکومتي سرچینې چې نه یې غوښتل نوم یې یاد شي، د خلکو د اعتراض لامل د هغو ۴ طالب جنګیالیو نه نیول کېدل ښيي چې پر یوې ۱۴ کلنې نجلۍ یې جنسي تېری کړی دی.

د سرچینې په وینا، طالبانو یاد ۴ کسان د خواجه‌غار له بندخونې بل ځای ته لېږدولي دي.

طالبانو تر اوسه په دې اړه څه نه دي ویلي.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.