Share/Save/Bookmark

کد مطلب :65129
تاریخ انتشار : پنج شنبه 16 زمری 1399 ساعت : 18:04:56

په کابل کې مشورتي لویه جرګه سبا پیلیږي

د افغان رسنیو د راپور سره سم ټاکل شوې چي سبا په کابل کې د پولتخنیک د پوهنتون په خیمه کې به د سولي مشورتي لویه جرګه تر سره شي.

د افغان چارواکو په وینا دا جرګه د تېرې مشورتي جرګې په دوام جوړېږي چې ګډونوال به یې هم پخواني کسان وي.

د کابل ولایت د ګډو ځواکونو قومندانۍ په یوه اعلامیه کې ویلي د مشورتي لویې جرګې د امنیت د تامین په موخه به د دغې جرګې خیمې ته ټولې ورغلې لارې نن پنجشنبه د مازدیګر له ۴:۰۰ بجو څخه د جرګې تر پایته رسېدو پورې وتړي.

د افغان پولیسو د خبرپاڼې د معلوماتو پر بنسټ د کوټې ‌سنګي، د کارتې ‌پروان څلور لارې او قمبر څلورلارې مسیرونه به د جرګې تر پایته رسېدو پورې د خلکو او وسایطو د تګ د راتګ پر مخ تړلي وي.

سرچینه کاږي د سیمې د اوسېدونکو لپاره ځانګړي امنیتي تدابیر نیول شوي او د خلکو د لېږد لپاره د پولیسو د بسونو او د ناروغانو لپاره د امبولانسونو څخه استفاده کېږي.

د کابل د ګډو ځواکونو قومندانۍ له خلکو غوښتي څو د امنیت او عامه نظم په برخه کې ورسره همکاري وکړي.

باید وویل شي چې د ۱۳۹۸ کال په لویه مشورتي جرګه کې د دیني عالمانو د غونډې پر مهال ځانمرګی برید شوی وو او د ۱۳۹۰ کال د لویې مشورتي جرګې په خیمه توغندیز بریدونه شوي وو.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.