Share/Save/Bookmark

کد مطلب :65130
تاریخ انتشار : پنج شنبه 16 زمری 1399 ساعت : 18:06:52

د کورونا د ۱۰۸ تازه پېښو ثبت؛ په ۲۴ ساعتونو کې ۴ کسان مړه شوي

د عامې روغتیا وزارت وايي چې په تېره یوه شپه او ورځ کې یې د کورونا ویروس ۷۵۳ شکمنې نمونې کتلي چې له ډلې یې په ۱۱ ولایتونو کې د ۱۰۸ هغو پایلې مثبتې ختلې دي.

د دغه وزارت په وینا، په یاده موده کې ۹۸ کسان چې پر کورونا اخته وو، بېرته ښه شوي او ۴ نورو خپل ژوند بایللی دی.

یاد وزارت وايي، د تازه پېښو په ثبت سره، په هېواد کې د کورونا ویروس د مثبتو پېښو شمېر ۳۶ زره ۹۳۷ ته رسېدلی دی.

د روغتیا وزارت د شمېرو له مخې، تر اوسه ټول‌ټال ۲۵ زره او ۸۴۰ کسان چې پر کورونا ویروس اخته وو، بېرته ښه شوي او ۱۲۹۸ نور مړه شوي دي.

تر اوسه په نړۍ کې له ۱۸ میلیونه او ۹۷۹ زرو نه ډېر کسان پر کورونا ویروس اخته شوي چې له ډلې یې له ۷۱۱ زرو نه ډېر مړه او له ۱۲ میلیونه او ۱۷۱ زرو نه ډېر یې بېرته رغېدلي دي.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.