Share/Save/Bookmark

کد مطلب :65143
تاریخ انتشار : دوشنبه 20 زمری 1399 ساعت : 12:20:08

پاکستان د سولې لویې مشورتي جرګې د پرېکړې هرکلی وکړ

د افغانستان په چارو کې د پاکستان د لومړي وزیر ځانګړي استازي محمد صادق په یوه ټویټ کې لیکلي، د لویې جرګې د وړاندیز له مخې به د ۴۰۰ طالب بندیانو خوشې کول به د بین‌الافغاني خبرواترو پر وړاندې شته خنډونه لرې کړي.

لویې مشورتي جرګې د یوه پنځه‌ویشت ماده‌ییز پرېکړه‌لیک په صادرولو د ۴۰۰ طالب بندیانو له خوشې کولو سره هوکړه وکړه.

ولسمشر محمداشرف غني د لویې جرګې په پای‌غونډه کې وویل چې د جرګې د وړاندیز پر بنسټ به د څلور سوو طالب بندیانو د خوشې کولو فرمان لاسلیک کړي.

پخواني ولسمشر حامد کرزي هم وویل چې د یادو طالب بندیانو په خوشې کولو سره به د محمدمعصوم ستانکزي په مشري د دولت یو مرکچي پلاوی له طالبانو سره مخامخ خبرې‌ اترې پیل کړي.

لویې مشورتي جرګې چې د ۳۴ ولایتونو ۳۲۰۰ کسانو چې ۷۰۰ یې ښځینه وې، د جمعې په ورځ په کابل کې جوړه او نن یکشنبه پای ته ورسېده.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.