Share/Save/Bookmark

کد مطلب :65169
تاریخ انتشار : چهار شنبه 22 زمری 1399 ساعت : 16:58:37

نبیل:حکومت د طالب بندیانو په خلاصون کې ملي ګټې پام کې نه دي نیولې

د سولې چارو څارونکي وايي، ولسمشر په قصدي ډول غواړي چې د سولې بهیر پڅ شي.

د څارګرې ملي ادارې پخوانی مشر رحمت الله نبیل او د سولې چارو شنوونکي وايي چې ولسمشر غني د پنځه زره طالب بندیانو په خلاصون کې له ځند سره، ملي ګټې د شخصي او ډله ییزو ګټو قرباني کړې دي.

دغه شنوونکي یاد بهیر کې ځنډ د تاوتریخوالي دوام او د پوځي او ملکي مرګ ژوبلې د زیاتوالي لامل ګڼي او وايي چې د بندیانو د خوشې کېدو او د سولې خبرو نه پیلېدو بیه د دې هېواد خلکو پرې کړې ده.

ښاغلی نبیل وايي، حکومت د بندیانو د خوشې کولو په کار کې ملي ګټې په پام کې نه دي نیولي او که چېرې د سولې د خبرو په بهیر کې هم له همدې لیدلوري سره چلند وشي؛ نو بیا به هم د افغانستان خلک د هغه بیه پرې کړي.

د ملي امنیت پخوانی مشر رحمت الله نبیل په دې اړه وویل:«د ۵۰۰۰ تنو د خلاصون ځنډول، تر ډېره د ملي ګټو پر ځای د شخصي او ډله ییزې منافعو په ګټه وه، د دې لپاره تر کومه ځایه چې ما اورېدلي دي، د لوړې په مراسمو کې یو شرط دا و چې زموږ ستاسو د لومړې مراسمو ته نړیوال رسمیت ورکوو، خو شرط یې دا دی چې ۵۰۰۰ زره بندیان تاسې ازاد کړئ. »

د سولې چارو څارونکي وايي، ولسمشر په قصدي ډول غواړي چې د سولې بهیر پڅ شي.

ښاغلي نبیل په دې اړه څرګنده کړه:«د دوی بحث دا دی که چېرې د امریکا ټاکنې پیلېږي، که چېرې پایله بدلون مومي، یا لږ تر لږه اوسنی سیسټم پاتې کېږي. شونې ده چې په فکر کې یې بدلون راشي او موږ وکړای شو د خپل پنځه کاله پوره کړو.»


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.