Share/Save/Bookmark

کد مطلب :65228
تاریخ انتشار : يکشنبه 9 وږی 1399 ساعت : 18:23:23

محب: د نړیوالو له وتلو وروسته به هم نظام دوام لري

د ملي امنیت سلاکار حمدالله محب وایي، د نړیوالو هیوادونو له ملاتړ پرته هم حکومت کولای شي اوسنی نظام پرمخ بوځي.

د ملي امنیت سلاکار حمدالله محب په تازه مرکه کې ویلي، که نړیوال هیوادونه د اوسني نظام ملاتړ ونه کړي افغان حکومت د اوسني نظام پر مخ بېولو توان لري او په وخت سره به نوي ملاتړ کوونکي هم پیدا کړي.

نوموړي دغه راز ویلي، د لنډ مهالې ادارې د جوړېدو په تړاو خپاره شوي خبرونه ناسم دي او په خبره یې لنډ مهاله اداره د هیواد په ګټه نه بلکې د کړکېچ سبب ګرځي.

محب دغه راز زیاته کړه، د ملي پخلاینې عالي شورا د سولې بهیر په لار کې د اسانتیاوو برابرونکې ده خو وایي، د بهیر پرېکړه کوونکې نه ده.
نوموړی دغه څرګندونې داسې مهال کوي چې تازه ولسمشرغني د ملي پخلاینې عالي شورا د غړو نوملړ تائید کړ او ټاکل شوې د افغان حکومت د سولې مذاکراتي پلاوی په روانه اوونۍ کې قطر ته لاړ شي.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.