Share/Save/Bookmark

کد مطلب :65231
تاریخ انتشار : دوشنبه 10 وږی 1399 ساعت : 18:29:24

کابینه بشپړه شوه؛ ولسمشر لس نوي نوماندوزیران وټاکل

د ولسمشر غني ویاند صدیق صدیقي نن په کابل کې یوې غونډې ته وویل، د ولسمشر د فرمان له مخې، د حکومت د کابینې لپاره لس نور نوماندوزیران ټاکل شوي او ډېر ژر به د رایې اخیستو لپاره ولسي جرګې ته ور وپېژندل شي.

په دغو کسانو کې بشیراحمد ته‌ینج د کار او ټولنیزو چارو، نثاراحمد غوریاني د صنعت او سوداګرۍ، قدرت‌الله ذکي د ټرانسپورټ، معصومه خاوري د مخابراتو او معلوماتي ټکنالوژۍ، فضل‌احمد معنوي د عدلیې، سیدسعادت منصور نادري د سولې په چارو کې د دولت وزارت، انوارالحق احدي د کرنې او مالدارۍ، محب‌الله صمیم د سرحدونو او قبایلو چارو، نور رحمان اخلاقي د کډوالو او بېرته راستنېدونکو چارو او عباس بصیر د لوړو زده‌کړو د سرپرست او نوماندوزیرانو په توګه معرفي شوي دي.

ارګ وايي، د دغو نوماندوزیرانو په معرفي کېدو سره د کابینې غړي بشپړ شول.

ولسمشر محمداشرف غني او عبدالله عبدالله د روان کال په غويي میاشت کې سیاسي هوکړه‌لیک لاسلیک کړ چې له مخې یې عبدالله د ملي مصالحې شورا رییس شو او پلویانو ته یې هم په کابینه کې ځای ورکړل شو.

د یادونې ده چې تر دې مخکې ولسمشر ته د عبدالله له لوري د ور پېژندل شویو نوماندوزیرانو پر سر د ارګ او سپېدار ترمنځ اختلافات رامنځته شوي وو.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.