Share/Save/Bookmark

کد مطلب :65238
تاریخ انتشار : سه شنبه 11 وږی 1399 ساعت : 17:56:02

په پېژندپاڼو کې د مور نوم؛ د قوانینو کمېټې تایید کړ

د ولسمشر د دویم مرستیال رسنیز دفتر وايي، د ولسمشر د دویم مرستیال په مشري د کابینې د قوانینو کمېټې پرون په پېژندپاڼو کې د مور نوم لیکل تایید کړي دي.

د خبرپاڼې له مخې، د وګړو د احوالو د ثبت قانون د ځینو برخو تعدیل د ملي احصایې او معلوماتو ادارې له لوري یادې غونډې ته وړاندیز شوی و. په خبرپاڼه کې لیکل شوي چې یاده طرحه د عدلیې وزارت او د احصایې او معلوماتو ملي ادارې له لوري جوړه شوې ده.

د احصایې او معلوماتو ملي ادارې رییس احمدجاوېد رسولي په یاده غونډه کې ویلي: «د احصایې او معلوماتو ملي ادارې سره د وګړو د احوالو د ثبت ادارې د یوځای کېدو او په پېژندپاڼو کې د مور نوم زیاتېدو په اړه د ښځو برخې فعالانو غوښتنې ته د مثبت ځواب ویلو له کبله یې دا طرحه جوړه کړې ده.»

د تعدیل دغه طرحه د قوانینو کمېټې د نظریانو له وړاندې کولو وروسته تایید کړې ده.

تر دې مخکې د ښځو برخې یوشمېر فعالانو د «نوم مې چېرته دی؟» کمپاین پیل کړی و او په پېژندپاڼو کې یې د مور نوم د زیاتېدو غوښتنه کړې وه.

د دغه کمپاین له پیل نه پنځه کاله تېرېږي او په پېژندپاڼو کې د مور نوم زیاتولو لپاره د ښځو د همغږۍ لپاره پر ټولنیزو رسنیو ځینې پاڼې هم جوړې شوې دي.

دغه کمپاین لام شو چې په پېژندپاڼو کې د پلار ترڅنګ، د مور نوم هم ور زیات شي، خو نوم به پټ وي او د پېژندپاڼې پر مخ نه لیکل کېږي.

د ښځو برخې فعالانو په وینا، پېژندپاڼه د یوه کس د هویت پېژندلو سند دی او له پېژندپاڼې نه یې لرې کول یا هم نه موجودیت د انساني اصولو او مدني قوانینو له مخې، د منلو نه دی.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.