Share/Save/Bookmark

کد مطلب :65296
تاریخ انتشار : سه شنبه 1 تله 1399 ساعت : 19:36:40

بلخ کې د صرافانو ټولنې مشر وتښتول شو

د بلخ امنيتي چارواکي وايي، دغه ولايت کې د صرافانو ټولنې مشر د نامعلومو کسانو له لوري تښتول شوی دی.

د بلخ د پوليسو وياند عادل شاه عادل وايي، دغه پېښه نن سهار وختي ۴ بجې او ۴۰ دقيقې د مزارشريف ښار د درېيمې ناحيې په سياګرد سيمه کې رامنځته شوې ده.

عادل زياته کړه، د صرافانو ټولنې مشر عبدالقيوم چې کله غوښتل له خپل کوره مسجد ته لاړ شي، برمته شوی دی.

د نوموړي په خبره، پوليسو ټولې مشکوکې سيمې تر څار لاندې نيولې دي او له جنايي جرمونو سره د مبارزې تخنيکي ټیم هم په دې تړاو خپلې څېړنې پيل کړې دي.

عادل زياتوي، د پوليسو له لوري امنيتي کمرې څارل کېږي.

له دې سره هم‌مهاله په بلخ ولايت کې لاريونونه پيل شوي دي.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.