Share/Save/Bookmark

کد مطلب :65299
تاریخ انتشار : چهار شنبه 2 تله 1399 ساعت : 18:15:03

عبدالله: يو شمېر ازاد شوي طالب بنديان بيا جګړې ته ستانه شوي

د ملي پخلاينې عالي شورا مشر عبدالله عبدالله وايي، يو شمېر خوشي شوي طالب زندانیان بېرته د جګړې ډګر ته ور ګرځېدلي دي.

عبدالله دا خبرې پرون د امريکا د بهرنيو اړيکو شورا ته په وېډيويي کنفرانس کې کړې دي.

عبدالله ويلي، يو شمېر طالب زندانيان له زندان تر ازادېدو وروسته بېرته د جګړې ليکو ته تللي دي.

نوموړي زياته کړې:

    د دقیق شمېر په تړاو يې نه پوهېږم خو موږ له دې خبر يو چې يو شمېر طالب زندانیان بېرته د جګړې ليکو ته ور ستانه شوي دي او دا له هغه ژمنې سره په تضاد کې ده، چې طالبانو کړې.

د هغه هوکړې له مخې چې  د روان مېلادي کال د فبروري په وروستيو کې په دوحه کې د امريکا او طالبانو ترمنځ لاسليک شوه، افغان حکومت د طالبانو ۵۰۰۰ زندانيان او طالبانو د افغان حکومت ۱۰۰۰ زندانيان ازاد کړل.

طالبانو ژمنه کړې وه چې خوشي شوي طالب بنديان به بېرته د جګړې ليکو ته ستنېږي.

اخوا طالبانو تر دې مهاله د عبدالله عبدالله د دې څرګندونو په تړاو څه نه دي ويلي، خو تر دې وړاندې يې دغه ډول راپورونه رد کړي دي.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.