Share/Save/Bookmark

کد مطلب :65415
تاریخ انتشار : يکشنبه 4 لړم 1399 ساعت : 19:54:15

غزني کې د القاعدې شبکې دویم مهم مشر ابو محسن‌المصري ووژل شو

د ملي امنیت رياست وايي، غزني ولایت کې یې د ځانګړو ځواکونو عملیاتو کې د القاعدې شبکې دویم مهم مشر ابو محسن‌المصري وژلی دی.

ياد رياست تېره شپه ناوخته پر خپله ټوېټرپانه د یوه خبر خپرولو سره ویلي چې ابو محسن المصري د هند نیمه وچه کې د القاعدې جګپوړی قومندان و.

ملي امنیت په دې اړه نور جزییات نه دي ورکړي چې د غزني په کومه سیمه کې یې دا عملیات کړي؛ خو غزني کې یوې امنیتي سرچینې رسنیو ته ویلي، القاعده شبکه د غزني په ناوه ولسوالۍ کې چې یوه برخه یې له پاکستان سره پوله لري، فعالیت لري.

ناوه د غزني سوېل کې پرته ده چې د پاکستان له «بادني» سره ګډه پوله لري.

القاعدې شبکې تر اوسه پورې په دې اړه څه نه دي ويلي.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.