Share/Save/Bookmark

کد مطلب :65429
تاریخ انتشار : چهار شنبه 7 لړم 1399 ساعت : 18:43:48

ولسي جرګې د الکټرونيکي پېژندپاڼو د تعديل طرحه تایید کړه

ولسي جرګې د نن ورځې په عمومي غونډه کې د الکټرونيکي پېژندپاڼو د تعدیل طرحه تاييد کړه.

په دې طرحه کې چې شاوخوا ۶۰ وکيلانو لاسليکونه کړي وو، وړانديز شوې ده چې د دولتي کار کوونکيو، متقاعدینو، معلولانو او د شهیدانو د کورنیو معاشونه او حقوق د پخوانۍ کاغذي تذکرې له مخې ورکړل شي.

د دې طرحې دویمه برخه کې همدا شان ویل شوي چې په الکټرونیکي پېژندپاڼو کې به نوم، د پلار نوم، د نیکه نوم، د زېږیدو ځای، د زېږیدو نېټه، اصلي او اوسني د اوسېدو ځایونه په پښتو او دري وليکل شي او د انکليسي متن به هم د پښتو او دري په شان وي.

د دې طرحې له مخې به د پېژندپاڼو د وېش بهیر د نوې طرحې تر اجرايي کدو پورې ځنډول کېږي.

د نوې طرحې له مخې به همداراز په پېژندپاڼو کې د افغان کلمه، د دین او د قوم نومونه هم نه لیکل کېږي.

د يادولو ده چې له دې وړاندې حکومت ويلي و تر هغه چې دولتي کارکوونکيو الکټرونيکي پېژندپاڼې نه وي اخيستې، معاشونه نه ورکول کېږي.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.