Share/Save/Bookmark

کد مطلب :65437
تاریخ انتشار : جمعه 9 لړم 1399 ساعت : 21:33:41

د ایران او افغانستان ترمینځ د ملګرتیا هوکړه لاسلیک کیږي

د افغانستان ولسمشرۍ ماڼۍ د ایران له اسلامي جمهوریت سره په مختلفو برخو کښې د ملګرتیا د هوکړه لیک د لاسلیکیدو غوښتنه وکړه.

ایرنا خبري آژانس لیکلي دي چې د افغانستان ولسمشرۍ ماڼۍ پرون په یوه خبرپاڼه کښې وویل چې د دغه هیواد د کار او ټولنیزو چارو وزارت د سوداګري اړیکو او د ملګرتیاؤ د سویې په لړ کښې د ایران له اسلامي جمهوریت سره یوه تفاهم نامه لاسلیکوي.

په هغه غونډه کښې چې په دې هکله د افغانستان د ولسمشر په دفتر کښې وشوه د مختلفو ادارو چارواکو د دوه اړخیزو اقتصادي ملګرتیاؤ، د کډوالو د ستونزو، د خواف-هرات د ریل لارې، بریښنا او کلتوري اړیکو او هم داشان د افغانستان او ایران د اقتصادي کمیټې د تفاهمنامې د موادو په هکله خبرې اترې وکړې.

په عین حال کښې د افغانستان د خارجه وزارت سرپرست محمد حنیف اتمر د ایران د بریښنا له وزیر رضا اردکانیان سره په ویډیويي خبرواترو کښې وویل: په اقتصادي ډګرونو کښې د دوه اړخیزو ملګرتیاؤ پراختیا او د دواړو هیوادونو ترمینځ د فني تجربو تبادله، له ایران سره په اړیکه کښې د افغانستان د بهرني سیاست یو وړومبیتوب دی.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.