Share/Save/Bookmark

کد مطلب :65526
تاریخ انتشار : شنبه 1 لیندۍ 1399 ساعت : 18:15:38

ولسي جرګې ۱۰ نوماند وزیرانو ته د باور رایې ورکړې

ولسي جرګې لس هغو نوماند وزیرانو ته د باور رایې ورکړې چې تېره اوونۍ یې خپلې برنامې یادې جرګې ته وړاندې کړې وې.

په دې برخه کې  عبدالهادي ارغندیوال د ۲۰۵ رایو په ترلاسه کولو سره د مالیې د وزیر، محمد حنیف اتمر ۱۹۷ رایو په ترلاسه کولو سره د بهرنیو چارو د وزیر، اسدالله خالد د ۲۰۶ رایو په ترلاسه کولو سره د ملي دفاع وزارت د وزیر، مسعود اندرابي د ۲۱۴ رایو په ترلاسه کولو سره د کورنیو چارو وزارت د وزیر، فضل احمد معنوي د ۲۲۰ رایو په ترلاسه کولو سره د عدلیې وزارت د وزیر، معصومه خاوري د ۱۵۴ رایو په ترلاسه کولو سره د مخابراتو او معلوماتي ټکنالوژۍ د وزیر، عباس بصیر د ۱۹۷ رایو په ترلاسه کولو سره د لوړو زده کړو وزارت د وزیر، بشیر احمد ته‌ینج د ۱۹۰ رایو په ترلاسه کولو سره د کار او ټولنیزو چارو وزارت د وزیر، محمد قاسم حلیمي د ۱۴۸ رایو په ترلاسه کولو سره د ارشاد حج اوقافو وزارت د وزیر، نثار احمد غوریاني د ۲۱۳ رایو په ترلاسه کولو سره د صنعت او سوداګریو وزارت د وزیر په توګه وټاکل شول.

دغه وزیرانو ته د ولسي جرګې له لورې د باور رایه ورکړل شوه او په رسمي ډول د وزیرانو په توګه وټاکل شول.

د یادونې ده چې نور پاتې وزیران به هم په روانه اوونۍ کې ولسي جرګې ته خپلې برنامې وړاندې کړي او د بارو رایو د ترلاسه کولو لپاره به صندوقونه ورته کېښودل شي.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.