Share/Save/Bookmark

کد مطلب :65805
تاریخ انتشار : دوشنبه 20 سلواغه 1399 ساعت : 23:53:16

امريکايي سرتېري به په ټاکل شوې موده کې له افغانستانه ونه وځي

امريکايي جمهوري غوښتونکي سناتور لیندسي گراهام ويلي، د امريکا او طالبانو ترمنځ د شوې هوکړې له مخې به امريکايي سرتېري په ټاکل شوې موده « د روان ميلادي کال مې مياشت» کې له افغانستانه ونه وځي.

گراهام له «سي‌بي‌اېس» خبري شبکې سره په خبرو کې ويلي، هغه څه چې د بايډن دولت يې د افغانستان په اړه وړاندې کوي، خوښ دی او هرکلی يې کوي.

نوموړي ويلي: «هغه وخت به له افغانستانه ووځو چې شرایط چمتو شي. طالبانو سرغړونه کړې. هغوی د هوکړې له مخې پر خپلو ژمنو عمل نه دی کړی.»

دغه سناتور زياته کړې، که امریکایي ځواکونه د شرایطو تر برابرېدو مخکې افغانستان څخه وځي، نو ښايي چې داعش ډله او طالبان بېرته را وګرځي او د مېرمنو وضعيت به هم ډېر خراب شي او همداراز به افغانستان کې سختې جګړې پيل کړي.

ګراهام د افغانستان د مطالعې ډلې موندنو ته هم اشاره کړې او ويلي يې دي، دغې ډلې ښې پايلو ترلاسه کړي.

د افغانستان د مطالعې ډلې « افغانستان کې سولې ته د رسېدو لار» تر سرليک لاندې په يوه راپور کې ويلي چې د امريکايي سرتېرو نامسووله وتل به کورنۍ جګړې ته لار هواره کړي.

په دغه راپور کې د امريکا له نوي دولته غوښتل شوي چې له افغانستانه د امريکايي سرتېرو ايستل دې په کراره کړي او د «مې» مياشتې ضرب‌الاجل دې لرې کړي.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.