Share/Save/Bookmark

کد مطلب :65837
تاریخ انتشار : جمعه 1 کب 1399 ساعت : 11:26:57

پنټاګون: امریکا له افغانستانه د سرتېرو ویستو بهیر کې بېړه نه کوي

امریکا متحده ایالاتو دفاع وزیر، لویډ اسټین د پنجشنبې په ورځ د ناتو د دفاع وزیرانو غونډې ته وویل چې هېواد به یې له افغانستانه په بیړه او غیر منظمه توګه د سرتېرو ویستو بهیر عملي نکړي.

هغه ټینګار وکړ چې امریکا په افغانستان کې د جګړې د پای ته رسولو لپاره یوې ډپلوماتیکې حل لارې موندلو ته ژمنه ده.

ښاغلي اسټین همداراز ویلي چې امریکا اوس له طالبانو سره د هوکړې شرایط څېړي، څو روښانه شي چې د هوکړې دواړه لوري د هوکړې شرایطو ته ژمن وو او کنه؟

د امریکا دفاع وزیر دا روښانه کړې چې هغه د هوکړې څېړلو برخه کې د خپلو متحدینو سره مشوره کوي.

ښاغلي اسټین همداراز ټینګار کړی چې متحده ایالات په عراق کې د ناټو ماموریت ته ژمن دي.

دا په داسې حال کې ده چېد ناټو دفاع وزیرانو د دوی دوه ورځنۍ غونډې کې په افغانستان کې د دغه تړون د سرتېرو پاتې کېدو او نه پاتې کېدو په تړاو وروستۍ پریکړه ونه کړه.

د غونډې په وروستۍ ورځ ، د ناټو عمومي منشي وویل چې افغانستان ډېرو ستونزو سره مخ دی او دغه هېواد کې تاوتریخوالی مخ په ډېریدو دی.

افغانستان کې د لویدیځ د دو لس ییزو پوځي مداخلې او ملیاردونو ډالرو لګښت وروسته، ناټو په احتمالي توګه د لاسته راوړنو له منځته تلو اندېښنه لري.

د رویټرز خبري ازانس د راپور له مخې په افغانستان په ځانګړي توګه په کابل کې د هدفي بریدونو زیاتوالي د متحده ایالاتو د کانګرس او بشري حقونو ډلو ځینې غړي هڅولي چې له افغانستان څخه د بهرنیو ځواکونو وتلو کې ځنډ راولي.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.