Share/Save/Bookmark

کد مطلب :66355
تاریخ انتشار : يکشنبه 27 چنګاښ 1400 ساعت : 17:02:47

عمران خان د افغان سفیر د لور تښتوونکو د نیولو لپاره ۴۸ ساعته وخت ټاکلی

د پاکستان «ډان» ورځپاڼې لیکلي چې د پاکستان لومړي وزیر عمران خان د دغه هېواد د کورنیو چارو وزارت ته ۴۸ ساعته وخت ورکړی، څو په اسلام‌اباد کې د افغان سفیر د لور تښتوونکي ونیسي.

د دغې ورځپاڼې په وینا، عمران خان د پاکستان د کورنیو چارو وزیر شیخ رشیداحمد ته لارښوونه کړې چې په اسلام‌اباد کې د افغان سفیر د لور تښتوونکي په نښه او ونیسي.

ناپېژنده کسانو د تېرې جمعې په ورځ په پاکستان کې د افغان سفیر نجیب‌الله علي‌خېل لور سلسله علي‌خېل په اسلام‌اباد کې له یوه سوداګریز مرکز څخه وتښتوله او له شکنجې وروسته یې بېرته راخوشې کړه.

د افغانستان د بهرنیو چارو وزارت د دې پېښې په غبرګون کې په کابل کې د پاکستان سفیر منصوراحمد خان احضار او خپل سخت اعتراضونه یې ورسره شریک کړل.

په همدې حال کې سلګونه کسان نن په اسلام‌اباد کې د افغان سفیر د لور تښتونې او شکنجې په غبرګون کې په کابل کې د پاکستان سفارت مخې ته د اعتراض په توګه راټول شوي دي.

معترضانو په پاکستان کې د افغان سفیر د لور پر وړاندې شوی ظلم شرموونکی او د اندېښنې وړ بولي. دوی له افغان حکومت څخه هم غوښتي چې له پاکستانه د دې پېښې جدي پوښتنه وکړي او ورسره په کابل کې د دغه هېواد د سفارت دروازه هم وتړي.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.