Share/Save/Bookmark

کد مطلب :66610
تاریخ انتشار : جمعه 19 وږی 1400 ساعت : 19:31:39

بریکس: طالبانو د خپلو ژمنو خلاف ټول ګډونه حکومت نه دی جوړ کړی

د بریکس غړو هېوادونو روسیې، هند، چین، برازیل او سوېلې افریقا پرون د افغانستان په اړه ان لاین غونډه جوړه کړې وه او په دغه ناسته کې یې وویل چې طالبانو د خپلو څرګندونو خلاف ټول ګډونه حکومت نه دی جوړ کړی.

د بریکس غړو هېوادونو د یوې ګډې وینا پاڼې په خپرولو سره له طالبانو غوښتنه کړې چې پراخ بنسټه او ټول ګډونه حکومت جوړ کړي او له دې لارې د افغانستان ستونزې هوارې کړي.

په همدې حال کې دوی له طالبانو غوښتنه وکړه چې د بشر او ښځو حقونه خوندي کړي، له ترهګرو ډلو سره مبارزه وکړي او اجازه ورنه کړي چې دغه هېواد یو ځل بیا پر نورو هېوادونو د بریدونو لپاره د ترهګرو پر ځاله بدل شي.

له دې سره د روسیې ولسمشر ولاديمیر پوتین چې په دغه ناسته کې ګډون وکړی و، ټينګار وکړ چې د بریکس غړي هېوادونه نه غواړي افغانستان یې ګاونډیو ته یو ګواښ پاتې شي.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.