Share/Save/Bookmark

کد مطلب :66636
تاریخ انتشار : چهار شنبه 24 وږی 1400 ساعت : 18:21:57

قطر: له یوې واضحې معاهدې پرته د کابل هوايي ډګر مسوولیت نه اخلو

د قطر د بهرنیو چارو وزیر شیخ محمد بن عبدالرحمن په یوه خبري کنفرانس کې رسنیو ته ویلي چې حکومت یې له ټولو اړخونو سره د یوې واضحې معاهدې پرته د کابل هوايي ډګر مسوولیت پر غاړه نه اخلي.

قطر د ترکیې سره په ګډه اوسمهال د کابل هوايي ډګر تخنیکي چارې مخته وړي او دغه هوايي ډګر یې د ملکي او نړیوالو پروازونو لپاره یو ځل بیا تیار کړی دی.

د قطر بهرنیو چارو وزیر اوس تازه په یوه خبري کنفرانس کې ویلي چې دوی غواړي هر څه واضح شي او که په ټولو مسایلو خبرې ونشي دوی د هوايي ډګر مسوولیت نه شي اخیستلای.

هغه وویل چې د هوايي ډګر د چارو په اړه یې مذاکرات روان دي.

تر دې وړاندې د حکومت ویاند او د اطلاعاتو و فرهنګ وزارت معین ذبیح الله مجاهد الجزیرې ته ویلي ول چې د قطر او ترکیې هیوادونو سره د هوایي ډګر د تخنیکي برخې د چلولو په اړه خبرې اترې کوي.

د یادونې وړ ده چې د افغانستان اسلامي امارت څه موده وړاندې له ترکیې غوښتي ول چې د کابل هوايي ډګر لوژیستکي چارې مخته ويسي او افغان حکومت به امنیتي چارې په خپل لاس کې واخلي.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.