Share/Save/Bookmark

کد مطلب :66645
تاریخ انتشار : چهار شنبه 24 وږی 1400 ساعت : 18:55:54

د استادانو او د وزارت خونو د کارکوونکو معاشونه راټیټ شوي

د پوهنتونونو یو‌شمېر استادان او د پخواني حکومت د وزارت خونو کارکوونکي وايي چې د اسلامي امارت چارواکو له دوی غوښتي چې بېرته خپلو دندو ته وروګرځي، خو د پوهنتونونو استادان او کارکوونکي وايي چې اسلامي امارت کارځای ته د ورګرځېدو لپاره نوي قوانین جوړ کړي دي.

د دوی په خبره، د استاد او کارکوونکو میاشتیني معاشونه د اړونده ادارو د چارواکو له لوري را کم شوي دي.

مومند د یوه وزارت کارکوونکی دی، هغه ادعا کوي چې د اسلامي امارت د نوې پرېکړې پر اساس، په پخواني حکومت کې د شاوخوا ۲۲۰۰۰ افغانیو میاشتنی معاش یې ۶۰۰۰ افغانیو ته راټیټ شوی دی.

هغه همداراز وايي، د میاشتني معاش د کموالي ترڅنګ، دوی ته ویل شوي چې پیسې به یې د څو میاشتو په ځنډ سره ورکړل شي.

په همدې حال کې عبیدالله د کابل د دولتي پوهنتونونو یو استاد دی. هغه سلام‌وطندار ته وویل، د لوړو زده کړو وزارت چارواکو له استادانو غوښتي، هغه مهال دې خپلو دندو ته ور وګرځي چې په ۵۰۰۰ افغانۍ هوکړه وکړي.

هغه همداراز وايي، ښځینه استادانو ته د دې اجازه نه ده ورکړل شوې چې پوهنتون ته داخلې شي.

د بلخ پوهنتون استادان هم همدا ادعا لري، دوی وايي، که چېرته دا طرحه عملي شي اړ کېږي، تدریس پرېږدي او ځان ته بله دنده ولټوي.

د پوهنتونونو استادان او د دولتي ادارو کارکوونکي وايي، اسلامي امارت په داسې حال کې د دوی د معاش کچه راکمه کړې چې د کابل او ولایتونونو په بازارونو کې د خوراکي توکو بیې د پام وړ لوړې شوي دي.


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.