Share/Save/Bookmark

کد مطلب :66655
تاریخ انتشار : پنج شنبه 25 وږی 1400 ساعت : 19:16:54

د افغانستان پنجشیر سیمه نړیوالو مرستو ته اړتیا لري

فارس خبري اژانس وايي د افغانستان د جهاد د وخت د ارواښاد قومندان او د پخواني دفاع وزیر احمد شاه مسعود ورور احمد ولي مسعود وویل له افغانستان سره د بشر دوستانه مرستو لپاره ترټولو ښه لاره نړیوالې ادارې دي .

هغه د چین له «سي جي ټي این » ټیلي ويژن سره په مرکه کښې وویل په افغانستان په تیره بیا پنجشیر دره کښې د عادي خلکو حالت ډیر خراب دی او هغوې نړیوالو مرستو ته ضرورت لري .

احمد ولي مسعود په پنجشیر ولایت کښې د خلکو او د غیر پوځي کسانو د حالت په هکله د دغه ټیلي ویژن د خبریال پوښتنې ته په ځواب کښې وویل طالبانو پنجشیر سیمې ته د تدارکاتو د رسیدا لاره غوڅه کړي ده .

هغه وویل د افغانستان تر بشپړه ازادیدا پورې به له طالبانو سره جنګ ته دوام ورکړو .

د افغانستان د پخواني جهادي قومندان احمد شاه مسعود د زوي احمد مسعود په مشرۍ د پنجشیر د مقاومت جبهه په دغه ولایت او په خوا وشا سیمو کښې له طالبانو سره د مبارزې په حال کښې ده او په ټول افغانستان کښې د عمومي بښنې په اعلانولو سره په افغانستان د طالبانو ډلې سلطه له چیلنج سره مخ شوي ده .


  د افغان ایرکا خبري اژانس

• اړوند خبرونه:

• ستاسو آندونه

  • ستاسو را لیږل شوي آندونه او پيغامونه د افغان ایرکا خبر راټولونې له تائید وروسته په ویبسایټ کې خپریږي
  • د تور او تهمت پيغامونه نه خپریږي
  • هغه پیغامونه چې په پښتو او دري ژبه نه وي یا په خبر پورې اړونده نه وي، نه خپریږي.